Assalamu alaikum warahmatullah, jama’a barkanmu da warhaka, sannunmu da sake saduwa daku a cikin wani sabon shirin namu da yake zuwar muku ta wannan shafin namu mai albarka na arewamusix.com/
Page 11 & 12
Gumi ne ya shiga karyowa Shattima yayin da yake kallon yadda Huddatu take kuka a gaban Ammi da Abba. Ya san cewa idan har ta fadi gaskiyar abinda yake faruwa tsakaninsu a gidan nan, to lallai asirinsa zai tonu kuma zai fuskanci babban kalubale daga wajen Abba.
“Huddatu, meye haka? Me ya faru?” Ammi ta tambaya cikin damuwa, tana kokarin rarrashinta. Huddatu ta kasa magana, sai nuna Shattima take yi da hannu tana kuka. Shattima ya yi sauri ya katseta, “Ammi, na gaya muku, kawai rigima take yi akan maganar karatu. Tana so ta canja course ne ni kuma nace a’a.”
Abba ya kalli Shattima da kyau, sannan ya kalli Huddatu. “Huddatu, maganar karatu ce kawai take sa ki wannan kukan? Ko akwai wani abun daban?” Huddatu ta girgiza kanta, tana kokarin hadiye kukan. “Abba, ba maganar karatu bace kawai… Uncle Shattima yana…”
Kafin ta karasa, Shattima ya matso kusa da ita ya dafa kafadarta, wanda hakan ya sa ta razana ta ja baya. “Huddatu, kiyi hakuri, idan maganar karatun ce zan bar ki ki canja, amma don Allah kar ki tada wa su Ammi hankali.” Ya fada yana mata wani kallo mai dauke da gargadi.
Ammi ta ja Huddatu zuwa daki domin su yi magana su biyu kadai. Shattima ya tsaya a falo yana faman kai-da-kawowa, zuciyarsa tana bugawa. Ya san cewa Huddatu tana gab da tona masa asiri, kuma dole ne ya nemi hanyar da zai dakatar da ita kafin komai ya baci.
Ku cigaba da bibiyanmu a arewamusix.com domin jin yadda zata kaya a cikin wannan sarkakiya ta Fitar Tsiro.